Հայաստանի գինու պատմության թանգարանը Antike Welt ամսագրում

Հրապարակվել է Հայաստանի գինու պատմության թանգարանի տնօրեն Հայկ Գյուլամիրյանի հոդվածը գերմանական նշանավոր գիտական ANTIKE WELT պարբերականում:

Հայկական գինեգործության մասին նոր հոդվածը տեղ է գտել ամսագրի «Աշխարհի թանգարանները» բաժնում և պատմում է թանգարանի ստեղծման, գործունեության, նպատակների և ցուցադրությունների մասին:

 

«Խաղողագործության և գինեգործության դարավոր ավանդույթներով հարուստ հայոց պատմությունը համապարփակ ներկայացնելու գաղափարը հասունացել է տարիների ընթացքում։

 

Հնագիտական ​​վայրերում հայտնաբերված զանազան նյութերը, մատենագիտական ​​տվյալները, ազգագրական ուսումնասիրությունները հիմք հանդիսացան Հայաստանում գինեգործության պատմության թանգարանի ստեղծման համար»,- նշում է Հայկ Գյուլամիրյանն իր հոդվածում: